Egg Expiry Date अंड्यांनाही एक्सपायरी डेट असते का? या सोप्या ट्रिकने ओळखा ताजं आणि जुनं अंडं

Egg Expiry Date “संडे हो या मंडे, रोज खाओ अंडे” हे वाक्य आपण अनेकदा ऐकतो. डॉक्टरही रोज अंडं खाण्याचा सल्ला देतात. कारण अंडं हे प्रोटिनचा उत्तम स्रोत आहे. त्यामुळे नाश्ता असो किंवा जेवण, अनेक पदार्थांत अंड्यांचा वापर केला जातो.

पण अंड्यांबाबत एक प्रश्न नेहमी पडतो. अंड्यांची एक्सपायरी डेट असते का? दूध किंवा ब्रेड घेताना आपण एक्सपायरी डेट पाहतो. पण अंड्यांवर तशी तारीख दिसत नाही. त्यामुळे अंडी ताजी आहेत की जुनी, हे ओळखणं कठीण होतं.

खरं तर अंड्यांना थेट एक्सपायरी डेट नसते. पण त्यांना ठरावीक शेल्फ लाइफ असते. ठरावीक कालावधीनंतर अंडी खराब होऊ शकतात. जुनी अंडी खाल्ल्यास फूड पॉइझनिंगचा धोका देखील असतो.

अंड्यांची एक्सपायरी डेट कशी ओळखायची? Egg Expiry Date

व्यावसायिक पद्धतीने पॅक केलेल्या अंड्यांच्या कार्टनवर पॅक तारीख किंवा पॅक नंबर दिलेला असतो. ही अंडी साधारणपणे 7 ते 10 दिवसांत वापरण्याचा सल्ला दिला जातो.

काही कार्टनवर Best By किंवा Sell By तारीखही दिलेली असते. ही तारीख अंड्यांची गुणवत्ता चांगली राहील याची माहिती देते. योग्य प्रकारे फ्रीजमध्ये ठेवली असल्यास, अंडी या तारखेनंतरही 3 ते 5 आठवडे सुरक्षित राहू शकतात.

अंडी खरेदी करताना काय पाहावे?

अंडी घेताना कार्टन नीट तपासा. पॅक तारीख अलीकडची असावी. कार्टन ओलसर किंवा डाग असलेले नसावे.

अंड्याचे कवच फुटलेले किंवा तडकलेले नसावे. अंड्यावर घाण, रक्ताचे डाग किंवा वाईट वास नसावा. दुकानदार अंडी थंड ठिकाणी ठेवतो का, हेही पाहणे महत्त्वाचे आहे.

घरी अंड्यांचा ताजेपणा कसा तपासायचा? Are Eggs Safe to Eat

ही सर्वात सोपी आणि खात्रीशीर पद्धत आहे.

एका भांड्यात थंड पाणी घ्या. त्यात अंडं हळूच टाका.
अंडं तळाशी आडवं बसलं तर ते पूर्णपणे ताजं आहे.
अंडं उभं राहिलं पण तळाशी लागलेलं असेल, तर ते थोडं जुनं आहे, पण खाण्यास योग्य आहे.
अंडं पाण्यावर तरंगलं तर ते खूप जुने आहे. असे अंडं वापरू नका.

अंडं जुने झाल्यावर त्याच्या आत हवा साचते. त्यामुळे ते पाण्यावर तरंगते.

अंडी योग्य प्रकारे कशी साठवावीत?

अंडी नेहमी फ्रीजमध्ये ठेवा. तापमान 2 ते 4 अंश सेल्सिअस असावे. अंडी मूळ कार्टनमध्येच ठेवल्यास ती जास्त काळ टिकतात. Are Eggs Safe to Eat

फ्रीजच्या दारात अंडी ठेवू नका. दरवाजा वारंवार उघडल्याने तापमान बदलते. फ्रीजच्या आतल्या बाजूला अंडी ठेवणे जास्त सुरक्षित असते.

या सोप्या गोष्टी लक्षात ठेवल्यास तुम्ही नेहमी ताजी, सुरक्षित आणि पौष्टिक अंडी वापरू शकता.