indian success story जगातील सर्वात मोठी टेक कंपनी गुगलचे सध्याचे सीईओ सुंदर पिचाई यांनी एका भाषणात सांगितले की जर ते त्यांच्या इच्छेनुसार वागले नसते तर त्यांचे आजचे आयुष्य नक्कीच काहीसे वेगळे राहिले असते. 2023 च्या त्यांच्या या भाषणाचा व्हिडिओ गेल्या काही दिवसांपासून सोशल मीडियावर चांगलाच शेअर केला जात आहे. या भाषणात पिचाई यांनी भारतीय विद्यार्थ्यांच्या ज्ञानाची आणि कौशल्याची प्रशंसा केलीच पण त्यांच्या प्रगतीतील एक मोठा अडथळा यावरही भाष्य केले आहे. Google चे CEO म्हणतात की “भारतात, व्यावहारिक अनुभवाऐवजी शैक्षणिक पदवीवर भर दिल्याने अनेकदा मुलांचा विकास होणे कठीण होते.”
सुंदर पिचाई यांनी 2004 मध्ये गुगलमध्ये रुजू होण्यापूर्वी त्यांच्या करिअर ची सुरुवात एक इंजिनियर म्हणून केली होती. क्रोम, जीमेल आणि अँड्रॉइडसाठी उत्पादनांच्या विकासात त्यांचा मोलाचा वाटा होता. 2015 मध्ये, त्यांनी Google च्या मूळ कंपनीत, Alphabet चे CEO म्हणून लॅरी पेजची जागा घेतली होती.
जर मी माझ्या प्रगतीसाठी वेगळा मार्ग निवडला असता तर आज माझ्या पालकांना माझा अभिमान वाटला असता, असे पिचाई यांनी म्हटले आहे. पिचाई म्हणतात, “जर मी स्वतःला शिक्षणापुरते, पदवीपर्यंत मर्यादित ठेवले असते, तर कदाचित मी आज पीएचडी केली असती, ज्यामुळे माझ्या पालकांना खरोखर माझा अभिमान वाटला असता. पण तंत्रज्ञानाचे हे अगणित फायदे इतर अनेकांपर्यंत पोहोचवण्याची संधी मी गमावली असती.”
सुंदर पिचाईचा एका दिवसाचा पगार
आज अल्फाबेटची मार्केट कॅप 138 लाख कोटी रुपयांपेक्षा जास्त आहे. 2022 मध्ये, सुंदर पिचाई यांची एकूण संपत्ती US$ 226 दशलक्ष (अंदाजे रु. 1,854 कोटी) एवढी होती, कंपनीत काम करणाऱ्या सरासरी कर्मचाऱ्यांपेक्षा हे प्रमाण 800 पट जास्त होते.
यश कसे टिकवायचे?
इथे आणखी एक गोष्ट लक्षात घेतली पाहिजे ती म्हणजे एखाद्या पदावर पोहोचल्यानंतरही माणूस किती मेहनत करतो हे समजून घ्यायला हवे. एका इव्हेंटमध्ये सुंदर पिचाई म्हणाले होते की, मी कामाबद्दल नवीन गोष्टी शिकून दिवसाची सुरुवात करतो. पिचाई म्हणाले की ते सकाळी 6.30-7 च्या सुमारास उठतात आणि वॉल स्ट्रीट जर्नल आणि न्यूयॉर्क टाइम्सच्या ऑनलाइन आवृत्त्या वाचतात. याशिवाय तंत्रज्ञानाशी संबंधित बातम्या वाचण्यासाठी ते ‘टेकमीम’ वेबसाइटलाही भेट देतात.
गुगलची मूळ कंपनी अल्फाबेट इन्कॉर्पोरेशन चे सीईओ सुंदर पिचाई हे अमेरिकेतील सर्वाधिक पगार घेणारे सीईओ आहेत. भारतीय वंशाच्या पिचाई यांना गेल्या वर्षी म्हणजेच 2022 मध्ये 226 दशलक्ष डॉलर्स पगार मिळाला होता. भारतीय रुपयात पाहिले तर ते 18,84,39,13,900 रुपये होतात. म्हणजे गेल्या वर्षी पिचाई यांना दररोज 5,16,27,161 रुपये मिळाले. एक्झिक्युटिव्ह कॉम्पेन्सेशन रिसर्च फर्म इक्विलारच्या मते, गेल्या वर्षी प्रत्येक Google कर्मचाऱ्याचा सरासरी पगार $279,802 होता. यापूर्वी, 2021 मध्ये कॉर्पोरेट अमेरिकेत सर्वाधिक कमाई करणारे व्यक्ती जेफ ग्रीन होते. ग्रीन, डिजिटल जाहिरात कंपनी द ट्रेड डेस्कचे सीईओ, यांना $835 दशलक्ष मिळाले होते.
2022 मध्ये अमेरिकेतील सर्वाधिक पगार असलेल्या सीईओंच्या यादीत, कार भाड्याने देणारी कंपनी हर्ट्झचे स्टीफन शेर दुसऱ्या स्थानावर राहिले. त्यांनी 182 दशलक्ष डॉलर्सचे पॅकेज घेतले. या यादीतील तिसरे नाव आहे व्यायाम उपकरणे कंपनी पेलोटन इंटरएक्टिव्हचे बॅरी मॅककार्थी, ज्यांना $168 दशलक्ष मिळाले. लाइव्ह नेशन एंटरटेनमेंटचे सीईओ मायकेल रॅपिनो यांना $139 दशलक्ष रुपये मिळाले. विल्यम रेडी, सोशल मीडिया प्लॅटफॉर्म Pinterest चे CEO यांना गेल्या वर्षी $123 दशलक्ष पगार मिळाला होता.
टॉप 10 मध्ये कोण आहेत
आयफोन निर्माता Apple चे CEO टिम कुक यांना गेल्या वर्षी $99 दशलक्ष पगार मिळाला होता. मार्केट कॅपच्या बाबतीत ॲपल ही जगातील सर्वात मोठी कंपनी आहे. या यादीतील पुढचे नाव डॉकसाइनचे ॲलन थिगसन यांचे आहे ज्यांना गेल्या वर्षी $85 दशलक्षचे पॅकेज मिळाले होते. एआयजीच्या पीटर झाफिनोने गेल्या वर्षी $75 दशलक्ष डॉलर्स आपल्या खिशात टाकले होते. त्याचप्रमाणे, ब्रॉडकॉमच्या हॉक टॅनला $61 दशलक्ष आणि सीजेनचे सीईओ डेव्हिड एपस्टाईन यांनी $57 दशलक्षचे पॅकेज कमावले होते.